Прыспівок за уквартелёваня біженцїв ся буде по новім давати лем 120 днїв од першого доданя дочасной беспекы на теріторії СР. Без часового обмеджіня бы го могли черпати дефінованы зранітельны ґрупы особ. Нова сістема мать забезпечіти векшу адресность а головно утримательность підпоры на далшы періоды. Выходить то з новелы закона о азілї, котру у четверь схвалили посланцї НР СР. ,,Сучасный модел той підпоры є додаваный шырокому округу біженцїв, што є з довгодобого погляду не утримательне. Тыж є потребне, жебы ся біженцї што найскоріше зашорили до бежного жывота а брали участь на забезпечованю основных жывотных потреб і з властных жрідел,“ здоводнив передкладатель.

(TASR, Шутіова)