В суботніх вольбах до Европского парламенту словацькы гражданы можуть закружковати максімално двох кандідатів на єднім кандідачнім списку. Голос буде платный і втогды, покля волич не закружкує никого. Выходить то з інформацій публікованых на вебсайті Міністерства внутрічшніх справ. Словацькы гражданы выберають 15 евродепутатів, котрый будуть представляти Словакію в слідуючім пятьрічнім функчнім періоді в Европскім парламенті. Кандідує 22 політічных партій і єдна коаліція. До урны мож в копертці шмарити лем єден кандідачный список. Днесь о півночі кінчіть волебна кампань і зачінать мораторіюм. Вольбы одбудуть ся на Словакії в суботу 8-го юна.

(Медвідь, TASR)