Бывшы членове Судной рады Ян Мазак, Ева Мішікова, Катарина Яворчікова і Людовіт Брадач не были успішны з конштітучныма скаргами односно їх одкликаня з того орґану судцьовской леґітімности. Конштітучный суд СР їх скаргы одшмарив. Мазака, котрый в минулости стояв на чолі Судной рады, одкликала Народна рада 2-го мая. Яворчікову, Мішікову і Брадача одкликала влада СР з функції членів Судной рады влони в новембрі. О їх скаргах вырішыв на непублічнім засіданю 30-го мая Конштітучный суд в сенаті, в якого складі быв председа Роберт Шорл і судцьове Петер Страка і Мартін Вернарьскый. Ку рішіню інше становиско приложыв судця Страка, а то ку выроку і арґументації.

(Медвідь, TASR)