Pirátska strana – Slovensko ся вздала кандідатуры у вольбах до Европского парламенту в проспіх Демократів. Ознамила то кандідатка за страну Зузана Шубова в передволебній діскузії Joj 24. Тото рїшіня подля нєй вырїшыли зробити позераючі на важность сітуації, в якій ся СР находить. ,,Піраты вырїшыли вздати ся кандідатуры у вольбах до ЕП в проспіх страны Демократы.“ повіла. Підкреслила, же тоты вольбы до ЕП суть про Словеньско може іщі важнїшы як вольбы до Народной рады СР.

(TASR, Шутіова)