Зряджователї основных і середнїх школ, котры учать або хотять учіти в языку народностной меншыны, можуть жадати о приспівок Міністерства школства, баданя, розвитку і молодежі СР. В актуалній вызві резорту є алокованых 10.000 евр. ,,Цїлём приспівку є підпорити приправны актівіты і саму реалізацію навчаня языка народностной меншыны,“ увів резорт школства у выголошеній вызві. Максімална вышка приспівку про єдного жадателя є 2000 евр, жадости мож передкладати до 14. юна. Детаілнішы інформації суть на вебовій сторінцї міністерства.

(TASR, Шутіова)