Влада чує міста і села як ключовых партнерів про сполупрацю. Віцепремєрьска і міністерка господарьства Деніса Сакова то декларовала на вчерайшім сеймі Здружіня міст і сел Словакії (ZMOS) вєдно з дальшыма представителями владного кабінету. Влада хоче подля ньой діяти в реґіонох, стрітавати ся з людьми і гледати про них рішеня, што є неможне без сполупраці з комуналныма політикми. Міністер внутра Матуш Шутай Ешток поважує сполупрацю зо самосправами за вклад про кажду владну ґарнітуру. Підчеркнув снажіня забезпечіти в каждім реґіоні згодны доступны службы штату. За ключову пріоріту означів безпечность людей в каждім селі. (TASR, Pkf)