Влада Словацькой републікы мусить далше повнити своє Проґрамове выголошіня влады в темпі, котре наставив премєр Роберт Фіцо. Інформовала о тім партія Smer-SD по понедільковім засіданю коалічной рады. Коаліція так само выголосила єдность і потребу продовжати в засіданю Народной рады СР, пише ся у выголошіню, котре дістала аґентура TASR. Парламент продовжує в засіданю од днешнього дня, засіданя было перерване в середу, по атентаті на премєра Фіца. Progresívne Slovensko хоче подля председы Михала Шімечкы продовжати в актівній і фаховій опозічній політіці. Як высловив ся председа проґресівців, далше будуть одсуджовати вшыткы проявы аґресії і намагати ся о зміну політічной културы на Словакії, но єдночасно будуть і меріторічно а твердо крітіковати вшыткы владны пропозіції, котры бы были про Словакію шкодливы.

(Медвідь, TASR)