Членове Судной рады СР бы собі мали у вівторок 14-го мая волити свого нового председу. Покы єдинов знамов кандідатков є судкыня Марцела Косова, котру запропонувало шість судсовскых заступців в Судній раді СР. Пресаґентурі TASR то потвердила говоркыня Канцеларії Судной рады СР Вероніка Васілкова. Пропозицію кандідата на вольбу председы судной рады можуть подати найменше троє єй членове. Выстачіть, як так зроблять прямо в день голосуваня, то значіть на засіданю судной рады. Членове Судной рады СР одкликали Яна Мазака з функції єй председы на апріловім засіданю. За пропозицію на його одкликаня голосувало десять членів рады, двоє ся стрималo голосуваня, ниxто небыв проти, четверо неголосувалo. На одкликаня было потрібных мінімалні десять голосів. Пізніше го з функції члена Судной рады СР одкликав парламент. (TASR, Pkf)