Кошыці суть єдиным словацькым містом, в котрім ся в октобрі одбуде коордіноване европске зрахуваня людей без дому. Пресаґентуру TASR о тім інформувала Яна Польова з реферату маркетінґу і контакту з публіков міста з тым, же то мать приспіти к поступовому пониженю чісла людей без дому аж на нулу в Кошыцях. В рамках проєкту будуть здобывати дани о людьох без дому на теріторії міста. Уж в року 2021 ся в Кошыцях одбыв Реґістрачный тыждень родин в квартельній нуджі. З моніторованых 310 родин є актуалні в проґрамі Housing first Nadácie DEDO уквартельованых 37, причім 14 квартель на тот ціль дало місто Кошыці. Плановане зрахуваня ся окрім родин замірять і на єднотливців, котры суть без дому і переспавають на улиці. (TASR, Pkf)