Ріхард Раші буде номінантом партії Hlas-SD на посаду председы Народной рады Словацькой републікы. Повів то міністер роботы і підпредседа партії Ерік Томаш в діскусній релації радія Expres. Тырвать на тім, же позіція і далше належыть партії Hlas-SD, і кедь быв лідер і бывшый председа парламенту Петер Пеллеґріні зволеный за презідента. На посаду председы парламенту собі робив претензії лідер SNS Андрей Данко, а почас вікенду його намагы підпорив і премєр Роберт Фіцо. Данко бісідовав о зміні політічной мапы по презідентьскых вольбах. Томаш при вольбі председы Народной рады не очекує підпору опозіції, зато підкреслив, же го мусить зволити коаліція. Покля за його словами не дійде ку договору, жадна вольба не буде. Премєр Фіцо уж реаґовав, же номінацію решпектує.

(Медвідь, TASR)