Польща в остатніх тыжднях евідує нове роснутя проб о нелеґалне перекрочіня граніці з Білорусьов. Лем за остатній вікенд розкрыли 669 такых припадів, інформовала польска гранічна сторож. Почас того місяця евідовали уж 3200 пров, од початку рока то было 6500. Польща в літі 2022-го року укріпіла свою граніцю з Білорусьов веце як пять метрів высокым плотом і електриичнов моніторуючов сістемов. Реаґовала тым на волну тісячів людей, котры пробовали нелеґално перекрочіти граніцю Европской унії рік перед тым. Европска унія обвинює білоруського презідента Александра Лукашенка, же хоснує міґрантів, жебы дістати Унію під тиск.

(Медвідь, TASR)