Днесь в Старій Любовні з початком од 10.00 год в храмі Матері Божої неустанної Помочі при монастырї редемторістів одбыло ся  послідне лучіня з трьома молодыма дівчатами, котры траґічно умерли під колесами автобусу в соботу 6-го апріла в Спішском Подграді. Вшыткы три дівчата были із Старой Любовні і до Спішского Подградя ішли на традичну єпархіалну стрічу єпископа з молодежов. Єднов зо жертв была і дівка пріматора міста Любоша Томку. (Pkf)