Словакію чекать слідуючій рік консолідація публічных фінанцій на уровни 1-го процента грубого домашнього продукту або 1,4 міліарды евр. Потвердили то в понедільок на пресконференції премєр Роберт Фіцо і міністер фінанцій Ладислав Каменицькый. Першыма кроками є высше зданіня выробків з догану і солодкых напоїв. Премєр пропонує і знижіня чісла робітників у штатній справі, а то аж о 30 процент. Фіцо знова припомянув, же його влада здідила найгіршы публічны фінанції в Европскій унії, котры мусить стабілізовати і оздравити.

(Медвідь, TASR)