Державы ЕУ і Европскый парламент в понедільок доїднали ся на продовжіню безцлового довозу дакотрых польногосподарьскых выробків із Україны. Но будуть платити строгішы обмеджіня, інформує аґентура AFP. Договор має продовжыти безцловый приступ, котрый Унія уможнила україньскым польногосподарьскым продуктам од початку російской інвазії у 2022-ім році. Строгішы обмеджіня мають дотуляти ся курячого мяса, яєць, цукрю, кендериці, коз і меду. На пшеніцю не будуть жадны обмеджіня. Тоты притім жадали дакотры країны, наприклад Франція і Польща. Договор іщі мусить формалізовати ся на стрічі послів ЕУ і в комітеті Европского парламенту.

(Медвідь, TASR)