Высше 70 процент Поляків собі нежелать высланя вояків свойой країны ани Североатлантічной аліянції на Україну. Выходить то з найновшого дослідженя публічного мнінія, котрый зробив інштітут IBRIS про польскый денник Rzeczpospolita. Інформує о тім днесь аґентура PAP. Проти высланю вояків Польщі ці НАТО на Україну ся в дослідженю высловило аж 74,8 процента респондентів. Опачне одношіня мало 10,2 процента опрошеных, покы што аж 15 процент на дану справу немало погляд. (TASR, Pkf)