Председа влады СР Робер Фіцо у четверь дополідне на Самітї о ядровій енерґії в Бруселї увів, же Словакія планує выбудовати новый блок ядровой електрарни з выконом 1100 аж 1200 меґаватів. Ядровый саміт приготовила Меджінародна аґентура про атомову енерґію і Белґіцке кралёвство. Сполочным цїлём было підвышыти політічный тиск на ожывіня атомовой енерґії в Европі і за фінанчной участи ЕУ а підкреслити незаступітельну задачу ядровой енерґії коло упущаня од фосілных палив. Участникам саміту премєр Роберт Фіцо повів, же ядрова енерґетіка грать на Словакії важну роль a Словакія може быти в тій области прирівнана ку Франції. Словакія подля нёго планує выбудовати новый блок ядровой електрарни з выконом 1100 аж 1200 меґаватів, а зато позывать фірмы з цїлого світа, жебы брали участь на змаганю на ёго будованя.

(TASR, Шутіова)