Од днешнього дня перестав фунґовати Уряд шпеціалной прокуратуры  (ÚŠP). Прокураторы  ÚŠP были вчленены на єднотливы одділіня Ґенералной прокуратуры СР. Припады, де была подана обжалоба або де є пропозиція на поданя жалобы, бы мали і надалей остати днешнім прокураторам. Кавзы з приправного діяня будуть розділены в основі на крайскы прокуратуры і то поздовш цілой Словакії. Зрушіня ÚŠP было частьов недавно одобреной зміны трестных кодексів. Ґенерална прокуратура декларує, же прокуратура буде повнити свої задачі і по зрушіню ÚŠP.  (TASR, Pkf)