Брітанія додать україньскым озброєным силам, котры ся уж высше двох років бранять російскій аґресії, веце як 10.000 дронів. Протягом навщівы Кієва то у четверь ознамив брітаньскый міністер обраны Ґрант Шепс, інформує о тім справодайскый сервер Politico.eu. Влада Споєного кралёвства уж передтым приобіцяла, же на додавкы дронів про Україну выдїлить 200 міліонів лібер. Шепс теперь почас своёй третёй навщівы Україны авізовав, же тота частка ся підвышыла о далшых 125 міліов лібер. Цїлкова сума бы мала постачіти на накуп веце як 10.000 безпілотных дронів. Векшыну з них будуть творити тзв. FVP дроны, котры ся обычайно хоснують на сондованя і моніторованя.

(TASR, Шутіова)