Дві найважнішы темы стрічі, котра ся одбуде в пятицю меджі председом мадярьской влады Віктором Орбаном з бывшым америцькым презідентом Доналдом Трампом буде обновліня міру в Европі і навернутя мадярьско-америцькых білатералных односин на уровні, на котрій были в часі Трампового презідентьского періоду. Про комерчну телевізію ATV то вчера повів шеф мадярьской діпломації Петер Сзіййарто. На вопрос телевізії, ці ся Орбан стрітне і з днешнім америцькым презідентом Йоеом Біденом, Сзіййарто неодповів. Підчернув але, же ся указало, же “синонімум вытворіня міру в Европі і зліпшіня мадярьско-америцькых односин є Доналд Трумп“. Додав, же з мадярьского боку суть приправены на сполочну роботу, покы Трумп ся знова стане презідентом США. (TASR, Pkf)