„В Паріжі была чісто бойова атмосфера підтримуюча войну,“ цітує премєра Словакії Роберта Фіца Пресове і інформачне одділіня Уряду влады. Не было ани слова о мірі, што Фіца мерзить, пише далше пресова служба влады. Премєр за властныма словами у своїм выступліню на конференції в Паріжі повторив основны позіції влады Словацькой републікы. Словацька влада є подля Роберта Фіца орьєнтована на мір, і не хоче продовжованя войны, зато не буде заганяти зброю на Україну, а орьєнтує ся лем на мірны проєкты. Фіцо так само підкреслив, же найосновнішым є, же панує згода у владній коаліції, же ниґда не будуть згодны з тым, жебы словацькый вояк ішов на Україну до той войны.

(Медвідь, TASR)