Французькый презідент Еммануел Макрон не вылучує в будучности насаджіня воєньскых сил свойой країны на Україні. За його словами на досягненя того, жебы Росія не змогла перемочі на Україні, не є вылучене нич. Повів то на кінцю конференції о підпорі Україны, котру гостив у понедільок вечур в Паріжі. На стрічі понад 20-ох голов держав і влад не пановала згода, што до припадного посланя вояків западных країн на Україну, повів Макрон. Так само оголосив, же выникне нова коаліція держав, котры будуть Україні додавати ракеты і муніцію із середнім а довгым досягом. В куртодобім горізонті бы окрім того мали мобілізовати далшу муніцію про Україну із резерв третіх держав.

(Медвідь, TASR)