План польской влады на обновліня норм правного штату ся в Бруселі стрітнув з позітівнов реакційов, увела то підпредседничка Европской комісії Вера Йоурова. Подля аґентуры PAP, Йоврова доповнила, же по шестьох рокох діскусії є то першый рік, котрый може вести к скінчіню діяня проти Польщі подля статті 7 Договору о Европскій унії (ЕУ). Попередила але так само, же “фурт є потрібне выконати много роботы“. Стаття 7, котру ЕУ поужыла проти Польщі взагалі першый раз в децембрі 2017-го року, є поважована за екстремно твердый постиг. Саме діяня є подля предписів ЕУ розділене до пару етап. По ініціованю діяня мусить здобыти одобріня 80% вшыткых членів ЕУ. (TASR, Pkf)