Польскый міністер загранічных діл Радек Сікорскый в понедільок вызвав членьскы державы Европской унії, жебы дали строгішы санкції на Росію і Білорусь, інформує аґентура PAP. Сікорскый тот крок арґументовав тым, же в Росії і Білоруси по смерти опозічного політіка Алексея Навального зінтензівнили ся репресії односно тамтешньіх жытелів. Навальный быв єдным із найвыразнішых крітіків Кремля. Вмер в пятніцю у вязеньскій колонії за поларным кругом. Мав 47 років. Тоту верзію не акцептує веце країн, причім высловили пересвідчіня, же Навальный быв убитый.

(Медвідь, TASR)