Польскый міністер польногосподарьства Цзеслав Сіекіерскі ся оправдав за інцідент, ку котрому дошло в неділю на протесті польногосподарів на границях з Українов. Протестуючі высыпали зерно з україньскых накладных авт на драгу, чім выкликли напятя меджі Українов і Польщов. Інформує о тім аґентура  AFP. Польскы польногосподарі минулый тыждень заблоковали три граничны переходы на протест проти неферовому господарьскому змаганю в подобі довозу україньского зерна до Европской унії. В неділю польногосподарі на польскім боку граничного переходу при Дорогуску заставили три накладны авта, отворили їх задні часті і зерно з авт высыпали на драгу. Україньске міністерство польногзосподарьства в понеділок одсудило умыселне нічіня зерна з Україны. (TASR, Pkf)