Америцькый Сейм в ключовім голосуваню вчера вечур підпорив пакунок воєньской помочі про Україну і Ізраїль. Його конечне одобріня сенаторми ся очікує в найближшых дньох, інформує  о тім аґентура AFP. Сенаторы в процедуралнім голосуваню пакунок заграничной помочі в сумі 95 міліярд доларів підпорили в одношіню 67:27. За ся высловило і 18 републіканів, і то напрік крітиці експрезідента США Доналда Трама, подля котрого бы тота поміч мала быти дана у формі пожычкы. Окрім підпоры Києву у вышці 61 міліярд доларів пропозиція закона о заграничній помочі обсягує і воєньску поміч про Ізраїль за  14 міліярд і скоро пять міліярд доларів на підпору партнерів в індопаціфітьскій області вєдно Тайвану. (TASR, Pkf)