Польскый міністер загранічных діл Радослав Сікорскый в понедільок вызвав Конґрес США, жебы прияв паклик помочі про войнов траплену Україну. Припомянув, же Европска унія минувшый тыждень схвалила паклик помочі про Київ в сумі 50 міліард евр. Подля аґентуры PAP то Сікорскый повів на сполочній пресконференції з высокым представительом ЕУ про загранічны діла і безпечностну політіку Жосепом Борреллом, котрый з польской столиці одышов на Україну. За словами Сікорского Унія мусить Україні помочі, жебы на фронті досягла парітет з Російов.

(Медвідь, TASR)