Мадярьско підтримує сувереніту Україны, выголосив мадярьскый міністер загранічных діл Петер Сійярто в понедільок в Ужгороді по стрічі із шефом україньской діпломації Дмитром Кулебом, подля котрого не існує вопрос, котрый бы Київ і Будапешт не доказали білатерално вырішыти. З одкликаньом ся на сервер telex.hu о тім інформовала аґентура TASR. Сійярто повторив позіцію мадярьской стороны, котра жадать навернутя прав мадярьской меншыны, котра жыє на Підкарпатю до стану, якый там быв перед 2015-ым роком. Кулеба реаґовав, же треба пояснити детайлы, о котрых будуть стороны діскутовати в рамках білатералного діалоґу, і проблема прав Мадярів буде дефінітівно вырішена.

(Медвідь, TASR)