Японія і Австрія днесь ознамили, же по прикладі дальшых штатів позаставлюють фінанцованя аґентуры OSN про палестиньскых утеченьців (UNRWA). Многы країны так вырішыли по тім, як Ізраїль обвинив дакотрых робітників UNRWA, же минулого року ся залучіли до атаку палестиньского мілітантного руху Гамас на Ізраїль. Інформують о тім аґентуры DPA і AFP. Фінанцованя спомианой аґентуры уж дочасно позаставили США, Австралія, Канада, Італія, Британія, Німецько, Франція, Фінландія і Швейцарія. Аґентура OSN UNRWA была заснована в року 1949 по першій арабско-ізраїльскій войні і патрила к найвекшым проґрамом OSN. Єй высше 30.000 робітників давать службы вєдно освіты, основной здравотницькой старостливості і гуманітарной помочі палестиньскым утеченцям в Пасмі Ґазы, Предйорданску, Сірії і Лібаноні. (TASR, Pkf)