В першім колі презідентьскых волеб бы в другій половині януара здобыв найвеце голосів Петер Пеллеґріні  з підпоров 38,1 голосів. З другым найвекшым чіслом голосів бы з ним до другого кола волеб поступив Іван Корчок і то з 35,6 процентами. В другім колі бы здобыв Пеллеґріні 54,2 процента голосів і Корчок 45,8 процента голосів. Выходить то з дослідженя аґентуры Focus про релацію  TV Markíza Na telo. На третім місці бы в першім колі скінчів Штефан Гарабін з підпоров 10,9 процента, Ян Кубіш бы здобыв 4,9 процента голосів. Андрей Данко бы ословив 3,3 процента. Мірослав Радачовскый бы достав 2,4 процента і Крісзтіан Форро 2,3 процента. По єднім проценті бы здобыли Ян Дрґонец (0,9 проццента), Беата Яночкова (0,6 процента). Петер Кутька і Марта Чурайова (згодно по 0,5 процента). Волебна участь бы досягла 63 процент. Дослідженя ся реалізувало на репрезентатівній взорці 1015 респондентів в періоді од 16-го до 23-го януара 2024-го року. (TASR, Pkf)