Понад сім міліонів евр з акчных планів піде на найменше розвиты окресы в Пряшівскім самосправнім краю. Державный секретарь Міністерства інвестіцій, реґіоналного розвитку і інформатізації Михал Калиняк ся в понедільок 22-го януара стрітив в рамках резортного дня в Пряшові з предностами і пріматорами найменше розвитых окресів Пряшівского краю, а інформовав їх о приготовльованій зміні леґіслатівы, і о споминаній сумі, котру в тім році з акчных планів дістануть. Як про аґентуру TASR повів Калиняк, предностів інформовали, якы грошы мають к діспозіції на тот рік, і якым способом ся будуть повнити акчны планы, жебы ся схосновав штонайвекшый потенціал, котрый тоты окресы мають. Вшыткы найменше розвиты окресы суть подля його слов пригранічны, і так можуть здобыти штонайвеце грошей із польско-словацькых черезгранічных проєктів.

(Медвідь, TASR)