Ґрантовый проґрам Вєдно  про реґіон підпорить в тім року комунітны проєкты на выході Словакії цілковов сумов 30.000 евр. В ряді 17-ый рочник проґраму отворила сполочность U. S. Steel Košice. Жадости на підпору є мож посылати до 8-го марця. Проґрам є призначеный на підпору локалных комунітных проєктів з актівным залучіням жытелів вєдно робітників кошыцькой металурґії. Мімовладны незісковы орґанізації і містьтны самосправы з Кошыцького і Пряшівського края ся можуть уходити о фінанчну підпору у вышці 3000 евр на проєкты в штирьох областях  – безпечность у вшыткых областях, охрана жывотного оточіня, захованя културной дідовизні і розвойовы актівіты про діти і молодеж. (TASR, Pkf)