(TASR, Шутіова)

Україньскый парламент одмітнув у четверь роковати о контроверзній пропозіції закона, котрого цїлём є поволати до армады веце вояків. Пропозіцію меджічасом остро крітізовала україньска верейность і многы законодарцёве, пише TASR подля аґентуры AFP. Пропоновану леґіслатіву представила влада в децембру. Спріснили бы ся нёв тресты про хлопів, котры ся выгыбають одводу, а понижала бы ся вікова граніця про бранну повинность, а то з дотеперішнїх 27 на 25 років. Повинна воєньска служба бы ся зарівно скоротила з ,,необмедженого періоду“, якый платить в сучаснім войновім ставі, на  36 місяцїв. Пропонованый закон глубоко роздїлив Україну выхляту довгыма і тяжкыма боями.