Евроінтеґрачны амбіції Україны были головнов темов білатералного їднаня мадярьского міністра загранічных діл Петра Сійярто із шефом україньской діпломації Дмитром Кулебом, котре одбыло ся в понедільок в Бруселі. Сійярто на сіті Facebook написав, же од початку войны на Україні особно із Кулебом не стрітив ся, але перед минулорічным фебруаром были в безперерывнім контакті в інтересі того, жебы ся зліпшыли односины меджі Мадярьском і Українов. Мадярьско подля слов шефа мадярьской діпломації очекує навернутя меншынового закона Україны ку условіям з року 2015. Шеф резорту підкреслив, же на стрічі бісідовали о евроінтеґрачных амбіціях Україны, но як далше написав, про Мадярьско то не є тактічный вопрос, але рішіня, котре є історічно вызначным про будучность цілой Европской унії, і Европска комісія затля не докінчіла приправны роботы, котры бы ґарантовали, же Україна буде вести приступовы їднаня способом выгодным про обидві стороны.

(Медвідь, TASR)