Многонародне воєньске цвічіня Adaptive Hussars 2023, котре ся на юговыходї Мадярьска зачало 7. новембра, было успішно закончене. Подля аґентуры МТІ то у четверь ознамило мадярьске міністерство обраны, інформує о тім справодайця TASR в Будапешту. Міністер обраны Кріштоф Салайа-Бобровніцкый повів, же ішло о найвекше і найрозсягліше цвічіня за проходячіх 30 років. Брало на нім участь скоро 6 000 людей а 47 воєньскых орґанізацій. ,,Мадярьскы озброєны силы і верейна справа з погляду задач обраны успішно зложыли екзамены,“ оцїнив міністер цвічіня. Як підкреслив, на цвічіню брали участь вояци штирёх членьскых штатів NATO а цїлём было зістити, як мадярьскы озброєны силы реаґують на нечеканы сітуації.

(TASR, Шутіова)