Польскый міністер польсногосподарьства Роберт Телус в понедільок вызвав Европску унію, жебы глядала рішіня на охрану польскых польногосподарів в повязаню з проблемами, котры бы могли прийти по вступі Україны до Европской унії, пише аґентура PAP. Телус почас засіданя Рады Европской унії про польногосподарьство і рыболов у Бруселі высловив знепокоїня, же пропонованый вступ Україны до Унії бы запричінив проблемы польногосподарьскому сектору Европской унії. Міністер подля властных слов абсолвовав стрічі з резортныма партнерами з країн V4, і з такзваныма країнами в передній лінії, котры суть овпливнены експортом польногосподарьскых продуктів з Україны. Телус повів, же треба глядати такы рішіня, котры не пошкодять польскых, але і европскых польногосподарів.

(Медвідь, TASR)