В ночі з 9-го на 10-го новембра 1938-го року зачав в націстічнім Німецьку протижыдовскый поґром, знамый як Кріштальова ніч (Kristallnacht). На памятку утерпіня Жыдів пронаслідованых і вбитых в часі Кріштальовой ночі ся 9-ый новембер припоминать як Меджінародный день боя проти фашізму і антісемітізму. Днесь 9-го новембра минуло од споминаных подій, котры далей ескаловали націстічну протижыдовску політіку, 85 років. Тзв. Кріштальова ніч передходила тзв. Польскій акції – выгощіньом польскых Жыдів жыючіх в Німецьку, з октобра 1938 і насилна смерть німецького діпломата Ернеста вон Рата, котрого в Паріжі пострілив польско-жыдовскый молодый чоловік. (TASR, Pkf)