Нїмецька міністерка внутрїшнїх дїл Ненсі Фаесерова у четверь ознамила, же на теріторії Нїмецька заказала орґанізацію Самідун підпоруючу палестіньскых арештантів. Заказала тыж дїялность палестіньского ісламістічного гнутя Гамас, інформовала аґентура DPA. ,,В припадї Гамасу єм днесь цалком заказала дїялность той терорістічной орґанізації, котрой цїлём є знищіти штат Ізраел,“ увела у выголошіню Фаесерова. Влада розпустить і нїмецьке крыло сїтї Самідун зоснованой в роцї 2012 в США. Тота меджінародна сїть подля Фаесеровой під плащом солідаріты з палестіньскыма арештантами в різных країнах пошырює протиізраельску і антісемітьску пропаґанду.

(TASR, Шутіова)