Днесь, 31-го октобра собі евангелици на Словакії і у світі припоминають Памятку реформації, од зачатку котрой минуло 506 років. Єй ініціатором быв німецькый авґустіанскый монах, теолоґ, реформатор і основатель протестантізму Мартін Лутгер. В Словацькій републиці є 31-ый октобер памятным дньом – Дньом реформації. Мартін Лутгер  (1483 – 1546) прибив 31-го октобра 1517-го року на двері храму у Віттенберґу 95 тез проти одпусткам, протоже  зводили людей к милному пересвідчіню, же гріхы одпущать папа за гроші а не Бог на основі щирого поканя. (TASR, Pkf)