Председнічка Европской комісії Урсула фон дер Леєнова жадать од членьскых країн ЕУ свіжы фінанчны средства на ряджіня кріз. TASR справу перевзяла у четверь з аґентуры AFP. ,,В періодї драматічных змін мусиме дїяти розгодным і єднотным способом,“ увела фон дер Леєнова на соціалній сїтї Х. Односить ся то на рїшіня о Українї, о атакох гнутя Гамас проти Ізраелу а їх дослїдкох на Палестінчанів, о ряджіню міґрації. ,,Тото вшытко сі выжадує фінанцованя так, як сьме пропоновали в ревізії розрахунку ЕУ,“  припомянула. Председнічка попри засїданю Европской рады припомянула, же Европска комісія підпорує Україну а про цівілне жытельство в пасмі Ґазы додала важну гуманітарну поміч.

(TASR, Шутіова)