Презідентка Зузана Чапутова інформувала лідра Smeru-SD Роберта Фіца, же непризначіть зволеного посланця парламенту за SNS Рудолфа Гуліака за міністра жывотного оточіня. Інформував о тім говорця презіденткы Мартін Стріженец. Чапутова пожадала Фіца о доручіня новой пропозиції кандідата на міністра, абы было можне приступити к призначіню влады. Свій вердікт презідентка пояснила тым, же в припаді Рудолфа Гуліака існують уставно-правны причіны, і то в такій інтензіті, же неможе обсадити місце міністра жывотного оточіня. (TASR, Pkf)