Mадярьско і Европска унія потребують реґіон западного Балкану і стабіліту в тім реґіоні, бо без стабіліты западного Балкану не може быти Европа безпечна. Выголосила то в понедільок по приході на саміт Берліньского процесу в албаньскій Тірані мадярьска презідентка Каталін Новакова. Мадярьска голова державы, котру на саміт позвав албаньскый премєр Еді Рама, єдночасно повіла, же Мадярьско почас презідії в Раді ЕУ, котру буде мати од юла до децембра слідуючого року, буде працовати на ускоріню процесу приятя країн западного Балкану. Берліньскый процес выникнув у 2014-ім році як платформа про співпрацу на высокій уровни меджі офіціалныма представителями Албанії, Босны і Герцеґовины, Косова, Чорной Горы, Северной Македонії, Сербії і представителями гостительскых країн Берліньского процесу.

(Медвідь, TASR)