Лідер польской владной партії Право і справедливость Ярослав Качыньскый не пришов на дебату перед вольбами, котру в понедільок вечур высылала провладна телевізія TVP. Телевізія тісно перед діскусійов одвысылала стрічу Качыньского із сімпатізантами його партії з міста в середній Польщі. Вольбы в Польщі одбудуть ся уж тоту неділю. Голосованя вырішыть о тім, ці владна конзерватівна партія Право і справедливость здобуде третій безпрецедентный функчный період і буде продовжовати у евроскептічній політіці, або ся до властей дістане опозіція, конштатує аґентура Associated Press. Телевізна дебата концентровала ся на темы як міґрація, пензійный вік, безробітность, маєток державы і безпечность. На дебаті брало участь шість лідерів партій і коаліцій, а доміновав їй вєдно з лідером найміцьнішого опозічного субєкту Доналдом Туском урядуючій премєр Матеуш Моравєцькый, котрый представляв владну партію Качыньского.

(Медвідь, TASR)