На внутрішніх границях Словакії з Мадярьском  дочасно зачнуть контролі. Діяти будуть од четверга, 5-го октобра до 14-го октобра. Днесь о тім вырішыла влада. Обнова контроль на граніці з Мадярьском подля влады представує єдно з ключовых опатрінь. Пропонуване опатріня мать помочі пониженю чісла нелеґалных міґрантів, котры через Словакію лем транзітують до іншых штатів Европской унії. Од зачатку рока 2023 до 1-го октобра евідує Словакія 39.688 нелеґалных міґрантів. В порівняню зо згодным періодом минулого рока іде о єденадцитькратній наріст. (TASR, Pkf)