В Старій Любовни у четверь одштартовав юбілейный 30. рочник традічного ярмарку. Ведуча оддїлїня школства културы, шпорту і молодежі на містьскім урядї Ева Колларова TASR інформовала, же на навщівників чекать аж до недїлї (24.9.) богатый културный проґрам на двох подіях. Окрем шатрів з різным товаром і освіжінём, там буде кочовна колиба, улічка ремесел і атракції про дїти. Головна трібуна буде перед Окресным урядом, мала трібуна на Намістю св. Николая. І тот рік будуть участници ярмарку помагати. По вытворїню лоньского рекорду, коли ся там стрїтило найвеце ярмочників в крою, тот рік спробують продати найвеце бенефічных календарїв. Посередництвом них довєдна поможуть 14 дїтём і молодым людём з гендікепом.

(TASR, Шутіова)