Мароцька влада інвестує на обнову областей засягнутых землетрясїнём, при котрім зачатком септембра загынуло скоро 3000 людей, приближно 120 міліард діргамів (около 11 міліард евр). TASR о тім інформує на основі справы аґентуры DPA. Подля офіціалных інформацій землетрясїня з маґнітудов 6,8 , котре 8. септембра засягло дакілько областей Марока, цалком знищіло або пошкодило 50.000 домів.

(TASR, Шутіова)