Вольбы до Народной рады Словацькой републікы бы в септембрі выграла партія Smer-SD із 18,9 процентами голосів. За ньов наслідує Progresívne Slovensko із 16,6 процентами а партія Hlas-SD, котрій бы дало голос 14,6 процента людей. Выходить то із сондажи аґентуры Focus про релацію Na telo телевізії Markíza. До парламенту бы ся іщі дістали рух Republika, за котрый бы голосовало 8 процент людей, SNS із 6,4 процентами, KDH із 6,2 процентами а SaS, котра бы мала підпору 5,1 процента. Коаліція OĽANO a priatelia, Za ľudí a Kresťanská únia бы ся до парламенту не дістала, підпорило єй лем 6,3 процента звіданых, на вступ до Народной рады потребує 7 процент. Перед бранами парламенту бы зістав і рух Sme rodina, партії Demokrati, Aliancia, ĽSNS, Modrí, Most-Híd.

(Медвідь, TASR)