Вірючі Кошыцькой ґрекокатолицькой єпархії почас вікенду 9-го і 10-го септембра одсвятковали храмовый праздник Рождества Пресвятой Богородіці, котра є покровительков кошыцького катедралного собору. Головну літурґію в неділю одправляв кошыцькый єпарха архієпіскоп Кіріл Василь. Владыка Кіріл на кінцю одпусту в Кошыцях запросив віруючіх до Клокочова на стрічу з кардіналом Піетром Пароліном, державным секретарьом Святішого Престола. Тот навщівить Клокочів у суботу 16-го септембра, жебы наповнив свою тугу іщі з року 2020, кедь хотів у юбілейнім році 350-ой річніці слызыня Клокочівской іконы Пресвятой Богородіці оддати почливость Покровительці Земліна і Матери сочувствія.

(Медвідь, TSKE)