Рух Сьме родина хоче підвышыти підпору шпорту на Словакії. Пропонує зато взник новго міністерства шпорту і путёвого руху. ,,Кедь ся нам подарить достати до влады, будеме доісна до проґрамового выголошіня влады пересаджовати векшу підпору шпорту а путёвого руху на Словакії,“ увів председа руху Боріс Коллар. Фінанцёваня шпортовых актівіт є подля нёго проблемом в соціално слабшых родинах, котры не мають дость фінанцій на розвиток таленту дїтины. Підпоров шпорту і путёвого руху на Словакії ся поможе розвитку реґіонів, але і пошырёваню доброго мена країны, сконштатовали.

(TASR, Шутіова)