Америцькый міністер заграничных справ Антони Блінкен ознамив в часі вчерайшой навщівы Києва новый пакунок помочі про Україну в сумі перевышуючой єдну міліярду доларів. Інформує о тім аґентура AFP. Подля денника The Guardian новый пакунок помочі обсягує  додавкы зброї в сумі 175 міліонів доларів, меджі котров буде  по першый раз і контраверзно чута муніція обсягуюча охудобненый уран. Піде о муніцію калібру 120 міліметрів призначену про америцькы танкы тіпу M1 Abrams, котру Києву уж передтым приобіцяв Вашінґтон. Од зачатку російской інвазії на Україну Сполучены штаты  дали поміч Україні уж у вышці 43,2 міліярды доларів вєдно новооголошеного пакунка.  (TASR, Pkf)