Пряшівскый самосправный край выбудує коло Ґімназії Терезії Вансовой в Старій Любовни нову модерну тїлоцвічню. Діспоновати буде комплетнов шпортовов і гіґіенічнов базов, рампов про імобілных ці простором про 185 позераючіх людей. Крайска самосправа на єй выставбу вывжыє властны жрідла і схвалену дотацію з Фонду на підпору шпорту у вышцї 1,1 міліона евр. Цїлково переінвестує 2,26 міліона евр. TASR o тім інформовала говоркыня ПСК Даша Єленёва. Нова тїлоцвічня доповнить подля єй слов єствуючу шпортову базу школы, котров є менша, актуалным потребам невыговлююча тїлоцвічня, свойпомічно выбудована посилнёвня і вонкашнє мултіфункчне гріско.

(TASR, Шутіова)